Ipuin bitxi bat: EL GLOBITO ROJO

IRAKURRI , GOZATU ETA OPARITU

Kanpainaren kartela

Apirilaren 23an jarri zen martxan Irakurri, Gozatu eta Oparitu kanpainaren seigarren edizioa. Egitasmoa tokian tokiko euskaldunon elkarteen, udal liburutegien eta liburu denden elkarlanari esker jarri da martxan. Seigarren edizio honek zertan datza kontatuko dizuegu:
Bi hilabetez, apirilaren 23tik, hau da, Liburuaren Nazioarteko Egunetik, ekainaren 30era pertsona batek, Udal Liburutegian euskarazko edozein liburu maileguan hartu eta irakurtzen du.
Liburua itzulitakoan, liburuzainak, liburuarekin fitxa bat emango dio irakurleari eta fitxa beteta itzultzerakoan, %25eko deskontua izango du liburu dendan euskarazko beste edozein liburu erosterakoan, (%50ekoa Euskara Elkarteko kidea izanez gero).
Hamabost herritan egongo da martxan kanpaina.

Informazio gehiago: www.topagunea.org.

TEKNOLOGIA BERRIAK

Gau, Donostiako Haur liburutegian seminario bat izan dugu eskola liburutegietako arduradunok. Eguneko gai-zerrendan: "Irakurketa pantailetan. Ipad erabiltzeko aplikazioak", beste batzuen artean.
Gai honekin geundenean bideo hau jarri digute:
Polita iruditu zait. Baina hau ikusitakoan... beste hau etorri zait burura:

Parregarria benetan!!

Ipuin kontalaria: LUR USABIAGA

Lur Usabiaga

Datorren asteazkenean, hilak 23, ipuin unea izango dugu mediatekan LUR USABIAGA ipuin kontalariaren eskutik. Bostgarren mailako ikasleak izango dira emanaldiaren entzuleak.
IBAIZABAL editorialaren bidez gauzatu da ekintza hau.

Ordua: 9:30etan

EUSKARA GIDA

Donostiako Udalaren Euskara Zerbitzuak orain dela urte batzuk euskarazko kultur produktuen gida bat kaleratzen du urtero. Gida hau oso interesgarria da bai eskola liburutegietarako baita irakasle eta gurasoentzako ere.
Paper formatoan zein pdf formatoan eskura daiteke. Bertan, hau, gazte zein helduei zuzendutako produktuak kontsultatu eta eskuratu ahal izango ditugu; besteak beste, aldizkariak, komikiak, liburuak eta hiztegiak, musika, DVDak, multimedia edukiak, denbora pasako joko eta jolasak eta gurasoentzako nahiz euskara ikasteko material berezitua.

http://www.euskaragida.net/

Formato pdf

Beste ikasturteetako gidak

  

Open publication - Free publishing

IÑAKI ZUBELDIA BITERIN

Atzo, maiatzaren 9an, Iñaki Zubeldia Biteri eskolan egon zen 2. mailako ikasleekin. Hona hemen egindako saoien zenbait argazki.

Helbide honetan ere:
https://picasaweb.google.com/104019304307732308721/INAKIZUBELDIABITERIN?authuser=0&authkey=Gv1sRgCNCMlPO6soLuwgE&feat=directlink

Kanta bat: GOIZEKO EURI ARTEAN

ORTOGRAFÍA BÁSICA DE LA LENGUA ESPAÑOLA

Gaur, R.A.E.k (Real Academia de la Lengua Española)  "Ortografía básica de la lengua española" aurkeztu du.
Aurrekoaren arau berberak ditu baina era laburrago eta arinagoan. Ikasleek erabil dezaten pentsatuta dago.
Hamahiru eta hamalau urte bitarteko 200 bat ikasle inguru liburuaren aurkezpenera joan dira. Bertan zeuden akademikoekin eraman dituzten zalantzak argitzen saiatu dira.

 Informazio gehiago

WEBGUNE BERRI BAT: www.hizkimizki.com

http://www.hizkimizki.com/

1.806 hiztegi txiki, hizkuntzen arteko elkarbizitza eta ezagutza sustatzeko. Topaguneak 43 hizkuntza konbinatzetik sortzen diren hiztegiak 'ekoizten' dituen webgunea aurkeztu du: www.hizkimizki.com Seguruenik, historian zehar inori ez zaio tokatu 'nik etxe bat behar dut' esaldia Afrika Iparraldeko amazigh edo berbereen hizkuntzatik, tamazightetik, Hego Amerikako zenbait herrialdetan mintzatzen den aymarara itzultzea. Inor horren premian balego, ordea, badu nora jo: Topagunea Euskara Elkarteen Federazioak sortu duen hizkimizki.com webgunera.
05.05.12 - 02:17 - DIARIO VASCO 
N. AZURMENDI | DONOSTIA.

ABENTUREZ BETETAKO EGUNA BORDARIN

Hona hemen "ABENTUREZ BETETAKO EGUN"-ean egindako zenbait argazki. Ekintza hau apirilaren 27an ospatu zen.

BATBIRULAU!

"Lehen ‘Abrite portas, klis-klas!’ esan, eta lapurren haitzuloko atea irekitzen zen, iraganeko altxor preziatuak. Orain ‘Abrite portas, klis-klas!’ esan, eta etorkizuneko altxorrak zabalduko zaizkizu, euskaraz nahiz munduko edozein hizkuntzatan sortutako liburuak: KLIS-KLASIKOAK!"
Lelo horrekin zabaltzen dira Klis-klasikoak bildumako lehen liburuak
Lehenengo bilduma honetan  Pinotxoren abenturak (Carlo Collodi, Jokin Mitxelena), Txan Fantasma (Mariasun Landa, Jon Zabaleta),   Indianoa (Gregorio Muro, Francisco Fructuoso) eta .Maria Goikoak Batbirulau (Anjel Lertxundi, Antton Olariaga)
Azken hau da, hain zuzen, gaur aurkeztu nahi duguna. Honetan kantak, olerkiak, asmakizunak, aho-korapiloak, ipuinak...aurkituko dituzue. Hona hemen adibide bat:

 Mediatekan bilduma honetako liburu guztiak aurkitzerik duzue.

EUSKAL AUTONOMIA ERKIDEGOKO IRAKURKETA PLANA

Eusko Jaurlaritzako Kultura Sailak Legebiltzarrean Euskal Autonomia Erkidegoko Irakurketa Plana aurkeztu du; ekimen horren bidez, irakurketa gizartearen kultura eta hezkuntza lehentasunetako bat bihurtu nahi du eta Erkidegoa garatzeko eragiletzat hartu du. Irakurketa Euskal Planak, jarduera hori sustatu nahi du Euskadi garatzeko eragile moduan
Eusko Jaurlaritzak Germán Sánchez Ruipérez Fundazioaren aholkularitza izan du dokumentua egiteko; dokumentu horretan, irakurketa XXI. mendean Euskadin lana eta aberastasuna sortzeko bitartekorik onena dela adierazteaz gain, adimenari probetxu ateratzeko ezinbesteko tresna dela diote, eta adimena lehengaia dugu informazioaren gizartean.

klik egin

(Informazio gehiago)

LIBURU BERRIAK

Gure mediateka eguneratuta izaten eta liburu berriak ekartzen saiatzen gara. Irudi hauetan ikus ditzakezue helduentzako eta haurrentzako egin ditugun azken erosketak. Esan beharra dago, aste honetan LIBURU EGUNA dela eta, gehien saldutako nobela baztuk erosi ditugula. Beraz, ikasle, irakasle eta gurasoak... hemen daude zuen zain.
Intentamos mantener nuestra mediateca al día y para ello adquirir novedades. En la siguiente presentación podéis ver las últimas adquisiciones para niños y adultos. Si os fijáis tenemos bastantes de las novelas más vendidas en el DÍA DEL LIBRO. Por lo tanto, alumnos, padres y profesores... aquí están a vuestra disposición.

ABENTUREZ BETETAKO EGUNA

Liburuxka honetan bildu ditugu datorren ostiralean, hilak 27, eskolako zenbait irakaslek irakurri behar dituzten ipuinak. Ekintza honetan BITERI eta BORDARIko ikasleak elkartuko dira, guztira 29 irakurketa izango direlarik.
Dagoeneko kartelak jarrita daude ikasleek aukera dezaten. Ostegunean, tutoreek sarrerak banatuko dituzte eta, urtero bezala, 6. mailako ikasleak izango dira Biteriko ikasleei harrera egingo dietenak.

APIRILAK 23, LIBURU EGUNA.

Apirilaren 23an Nazioarteko Liburu eguna ospatzen da. Ospakizun honek bi idazle hauen sorburua du: William Shakespeare, Miguel de Cervantes.
Idazle hauek 1616. urtean hil ziren. Hori dela eta, UNESCOk 1995. urtean hauen omenez, apirilak 23, NAZIOARTEKO LIBURU EGUNA eta EGILEEN ESKUBIDEEN EGUNA izendatu zuen.
Egun honekin bat egiteko, datorren ostiralean, ABENTURA EGUNA ospatuko dugu eskolan.
Ondoko helbidean "EL QUIJOTE" interactivo ikus dezakezu:
http://quijote.bne.es/libro.html

RECETAS DEL MUNDO

Bigarren hiruhilekoan "Ingurune" ikasgaian geografia ikasten aritu gara 3. mailako ikasleok. Gaztelera arloan errezetak nola idazten diren ikasi dugu. Bi ikasgaiak elkartu eta "RECETAS DEL MUNDO" egitea bururatu zitzaigun. Honako hau da ideia bikain honen emaitza:

BERRIRO LANERA!

Irudia: noticias Lore

Aste Santuko oporrak bukatu dira eta, honen ondorioz, lanari ekin behar diogu berriro ere. Indarrak berrituta bueltatu gara eskolara azken txanpa hau pasatzeko.
Txanpa hau ez da makala izango, lan pila bat egin behar dugu eta. Gainean dugu LIBURUAREN EGUNA, hilak 23an (1995.urtean UNESCOk apirilaren 23a liburuaren nazioarteko eguna izendatu zuen). Hortaz, irakurketa zaletasuna bultzatzeko gure eskolak bat egin ohi du ekimenarekin.
Aurtengo proposamena, ondo dakizuen bezala:
"ABENTUREZ BETETAKO EGUNA" ospatuko dugu eskolan hilak 27an. Horretarako irakasleak abenturazko ipuinak prestatzen ari gara, zuei, guztiei irakurtzeko.
Espero dugu zuen gustukoa izatea.

HAUR LIBURUAREN NAZIOARTEKO EGUNA

Aste Santuko oporrak iritsi dira, baina joan baino lehenago apirilaren 2an,  HAUR LIBURUAREN NAZIOARTEKO EGUNA ospatzen dela esan beharra dago.

1967. urtetik, apirilaren 2an, Hans Christian Andersen danimarkar idazlearen jaiotegunean hain zuzen, IBBYk Haur Liburuaren Nazioarteko Eguna sustatzen du, haur eta gazte liburu onak bultzatzeko, eta gazteenen artean irakurzaletasuna sustatzeko.
Urtero Atal Nazional batek du Haur Liburuaren Egunaren nazioarteko babeslea izateko aukera, eta bere herrialdeko idazle bat eta ilustratzaile ezagun bat hautatzen ditu mundu osoko haurrei bidalitako mezua eta mundu osotik banatzen den kartela egin dezaten, liburutegietan, ikastetxetan, liburu-dendetan eta bestelakoetan ere parte hartzeko. 

Iturria: OEPLI

(Organización española para el libro infantil y juvenil)

Aurten, Mexikon, Juan Gedovius-ek egin du kartela. Mezua Francisco Hinojosak idatzi du. 

 BAZEN BEHIN MUNDU OSOAK KONTATZEN ZUEN IPUINA 

 Bazen behin mundu osoak kontatzen zuen ipuina. Ipuin hori, egia esan, ez zen bat bakarrik; askoz ere gehiago ziren, eta mundu osotik zabaltzen hasi ziren, besteak beste esan txarreko nesken eta otso limurtzaileen, beirazko zapaten eta maitemindutako printzeen, katu azkarren eta berunezko soldaduen, erraldoi on-pusken eta txokolatezko fabriken istorioekin. Hitzez, adimenaz, irudiez, pertsonaia zoragarriez bete zuten. Barre egiteko, harritzeko, elkarrekin bizitzeko aukera eman zioten. Esanahiez bete zuten. Eta ordutik aurrera ipuin horiek gehitzen jarraitzen dute, mila eta bat aldiz hauxe esateko: “Bazen behin mundu osoak kontatzen zuen ipuina…”

IÑAKI FRIERA ESKOLAN

Pasa den asteazkenean, hilak 28, seigarren mailako ikasleek Iñaki Friera idazlearen bisita izan zuten.  "IZAROKO ALTXORRA" liburuari buruz eta berak idatzitako beste liburuei buruz hitz egin zuen  ikasleek egindako galdera guztiak gogo onez erantzun zituelarik. Bukatzeko, liburuak sinatu zizkigun.
MILA ESKER IÑAKI!

ONGI PASATZEKO!

Liburu bitxi bat, Buruko hura nork egin zion jakin nahi zuen satortxoa , Werner Holzwarth-en testu eta Wolf Erlbruch-en ilustrazioz osaturikoa, eta aski ezaguna, ekarriko dugu bistara. 1990koa da lehenen edizioa (Alemanian). Gurean, 1999an izan genuen euskaraz, eta 1991n gaztelaniaz.
20 urte baino gehiago bete dituen arren, ez du batere freskotasunik galdu, eta haurren artean arrakasta segurua du satorrak inguruko guztien gorotzak aztertuz egiten duen paseo bitxiak. Bideo batean ikusteko aukera ere badugu.

iturria:bularretik mintzora buletina

10. zenbakia - 2012ko martxoa

 Hona hemen ipuinaren beste bertsio bat: 

http://vimeo.com/25198828

ZER GERTATZEN ZAIO EGUZKIARI?

Mediatekara iritsi berria den ipuin hau aurkeztu nahi dizuet. 
Izena: Zer gertatzen zaio eguzkiari?
Egilea: Arantza Ibarra
Ilustratzailea: Arantza Ibarra
Argitaletxea: Erein
ISBN: 978-84-9746-711-7
Orain dela milaka urte, kondairak esaten du, eguzkia oso lotsatua eta berezia zela, ez baitzen gaur egungo eguzkia bezain horia, ez hain beroa, ezta hain alaia ere... Edonon ikusten zitzaion negarrez, eta inork ez zekien zer gertatzen zitzaion. Bainan den-denak zeuden bere goibeltasunak, iluntasunak eta hoztasunak kutsatuta....
Ideia bat egiteko hemen duzue Arantza Ibarrak liburuari egindako bideoklip-a:


Zer gertatzen zaio eguzkiari? from Erein argitaletxea on Vimeo.

PELLO AÑORGA ESKOLAN

Atzo, hilak 26, laugarren mailako ikasleek Pello Añorga idazlearekin hitz egiteko aukera izan zuten. Bere liburuak irakurri ondoren lasai eta gustura aritu ginen solasean. Oso saio lasaiak eta atseginak suertatu ziren. Pellok hasieratik ikasleen arreta bereganatu zuen eta ikasleekin kontu-kontari ibili zen. Bukatzeko, bere liburu batean, "AMA ERRALDOIA"-n, hauxe idatzi zigun:

MILA ESKER, PELLO!

http://liburutegiak.blog.euskadi.net/

Nobedade bibliografikoak, gomendioak eta irakurketa gidak interesatzen bazaizkizue, edota Euskadiko liburutegi publikoetan antolatzen diren ekintzen berri izan nahi baduzue, gune egokian zaudete.
Liburutegiak, Eusko Jaurlaritzako Liburutegi Zerbitzutik koordinatutako plataforma birtuala da. Euskadiko Irakurketa Publikoko sareko liburutegietako profesionalekin lankidetzan sortutako egitasmo honek, informazio eta komunikazio teknologien erabileraren bidez liburutegi zerbitzuak bultzatzea bilatzen du.
Gure helburua, informazio eta ekintza interesgarriak sortu, eskaini eta hedatzea da, eta Interneti esker, liburutegiak herritarrekin modu bizi eta erraz batez elkartzea.

ELKARRI IPUINAK IRAKURTZEN 4

Gaur, martxoaren 22an, 5. Cko ikasleak 3. Cko ikasleekin aritu dira ipuinak irakurtzen.
LAN BIKAINA EGIN DUZUE!!

OZENKI IRAKURTZEKO ZENBAIT IPUIN

Gida honetan euskarazko ipuinak bildu ditugu. Hauek izan dira 5. eta 3. mailako ikasleekin bikotekako irakurketak egiterakoan erabili ditugun albumak.
Egilea: Carmen Gutiérrez

CUENTOS PARA LEER EN VOZ ALTA

 

Publish at Calaméo or browse others.

Hona hemen ipuinak ozenki irakurtzeko gida bat. Gida honetan agertzen diren ipuin guztiak gaztelerazkoak dira.
Egileak: Asun Maestro, Clara Flamarique eta Jesús Arana

IKASGUAY

Lehen Hezkuntzako Ikasleentzako web gune interesgarrien bilduma. Honetan arlo ezberdinetako ariketak aurki ditzakegu.

Irudiaren gainean klikatu

 Recopilación de Webs interesantes para los alumnos de Educación Primaria. Aquí podemos encontrar actividades de las diferentes asignaturas.

TALDE LANEAN ASKOZ HOBETO

Beste bi helbideotan, talde lanean aritzearen garrantzia ikus dezakegu:
http://www.youtube.com/v/mgCIKGIYJ1A?hl=en&fs=1&autoplay=1

http://www.youtube.com/v/LuVPnW0s3Vo?hl=en&fs=1&autoplay=1

IRAKURLEAREN ESKUBIDEAK

Blog bat hasten duzunean etortzen zaizkizun ideiak, artikuluak, liburuak, ekintzak... buruan gordetzen dituzu eta hauei esker pixkanaka-pixkanaka bloga handitzen doa. Pendiente nuen hauetako bat da Danniel Pennac-ek bere liburuan "Como una novela" aipatzen  dituen idazlearen eskubideak.

Gure blog honetan toki inportante bat  merezi duela pentsatzen dut.

                                                                        Hona hemen dekalogoa:

• 1.-EZ IRAKURTZEKO ESKUBIDEA
• 2.-ORRIAK PASATZEKO ESKUBIDEA
• 3.-LIBURU BAT EZ AMAITZEKO ESKUBIDEA
• 4.-BERRIRAKURTZEKO ESKUBIDEA
• 5.-EDOZER GAUZA IRAKURTZEKO ESKUBIDEA
• 6.- EDONON IRAKURTZEKO ESKUBIDEA
• 7.- EDONOLA IRAKURTZEKO ESKUBIDEA
• 8.- LIBURUAK GAINBEGIRATZEKO ESKUBIDEA
• 9.- OZEN IRAKURTZEKO ESKUBIDEA
• 10.- IXILTZEKO ESKUBIDEA 

Honi buruz gogoeta bat egiteak merezi du.

BE HAPPY - ZORIONTSUA IZAN

 Zoriontsua izaten laguntzen duen liburutxo bat. Ikusi, ikasi eta disfrutatu!