MALETA BIDAIARIA

LIBURUA HARTU, orriek duten usain berezia sentitu, begiak entretenitzen hasi lerroz lerroko bidean aurrera. Parke batean paseatzen goazenean bezala. Edo itsasora irtendakoan...
Bidai baten hasiera da liburu bat. Badakigu zer utzi dugun atzean; baina bukaeran zer aurkituko dugun, nekez.

                                                            Anjel Lertxundi, Hain eskura

                         Irakurri, hamaika idazki literario irakurtzeari buruz   
                                                liburuan idatzitako testutik aukeratua

  

  MALETA BIDAIARIA bidean da aurten ere.

 

3. mailako ikasleek, istorioz, ametsez, irudimenez... betetako maleta bat eramango dute etxera. Bidai honetan haurrak ez dira bakarrik egongo, tutore, anai-arrebak, aiton-amonak... bide-lagun izango dira.

Maletan aurkituko dituzue gazte eta helduentzako liburuak, abestiak, film bat, irakurketari buruzko orientabide-gida bat, jolas bat...

Familia maletaren inguruan elkarrekin aritzeko, ikusteko, irakurtzeko gonbidapena egiten dugu. Tartetxo bat lasai hartu eta esperientzi honekin gozatu. Dena irakurtzeko aukerarik ez duzue ziurrenik izango... lasai! Aukeraketak egin: bertan dagoena ikusi, aipatu, irakurri osorik, zatika, irudikatu eta DISFRUTATU!  Hori bai!, konstanteak izan, denboratxo bat eskaini aste honetan.

LA MALETA VIAJERA está de camino un año más.

 

Los alumnos-as de 3º llevarán a casa una maleta llena de historias, sueños, imaginación... En este camino los-as niños-as no estarán solos-as, estarán acompañados por sus tutores, hermanos-as, abuelos-as... Dentro de la maleta encontrareis libros para jóvenes lectores, adultos, canciones, una película, una guía de orientación lectora para padres, un juego...

Os invitamos a reuniros alrededor de la maleta para ver, conocer y leer juntos. Elegid un momento y con tranquilidad gozad de esta experiencia. Es posible que no os de tiempo para leer todo el contenido, no importa!! Podeis hacer elecciones: ver bien lo que hay, comentad, leer textos completos, fragmentos, imaginad y DISFRUTAD!! Eso sí, es importante la constancia, dedicad a ello unos ratitos esta semana.

PATXI ZUBIZARRETA ESKOLA LIBURUTEGIEKIN

Hona hemen hilaren 16an, Patxi Zubizarreta idazleak BERRIA aldizkarian idatzitako artikulua:
"EUSKAL KULTURAREN SETIOAREN ISTORIOAK".

Artikulu benetan interesgarria, batez ere, eskola liburutegi baten inguruan aritzen garenontzat. Azkeneko paragrafo hau azpimarratu nahi dugu:
...

"Ez dakit: kontu korapilatsua eta labaina dugu honakoa, baina zintzo-gaizto, uso-otso auzian sartu gabe —edo bete-betean makur sartuta— ez nuke amaitu nahi isilean hazten ari den baso horri buruz bi auzi salatu gabe: alde batera, benetan penagarria da Eusko Jaurlaritzak eskola liburutegiak ixteko hartu duen erabakia, benetako setioa ixilka sortzen ari den eta ezinbestekoa zaigun irakurlegoaren kontra (hain zuzen ere Eusko Jaurlaritzaren beraren eta Euskal Idazle Elkartearen bitartez eskolaz eskola gabiltzanok, ondotxo dakigu liburutegia dela eskolaren bihotza, irakurleen mintegi eta haztegia, baldin eta basoa sortuko bada...); eta, beste aldera, oso kezkagarriak dira Bizkaiko Foru Aldunditik etorri diren murrizketak, izan ere 18 eskola Galtzagorri elkartearen bitartez garatzen den Book Trailer Lehiaketarik gabe geratu baitira, eta gazteei dagokienean dena inondik ere gutxi da. Ez dakit idazle gaiztoak edo gaiztoegiak behar diren, mozorro festa honetan manerak eta formak estereotipatuegiak ez ote dauden, espantu gehiegi ez ote dagoen, baina kulturaren egoera setiatzea eta gaiztotzea geure buru berez ahulari harrika egitea da."

artikulu osoa

TALAIA BORDARIko irakurLE ONak

Urtero bezala, ikasturte amaieran, Bordariko mediatekan egin den lana aztertzeari ekin diogu. Hauetako bat, zeintzuk izan diren irakurlerik hoberenak izan da.
Asko dira egunero mediatekatik pasatzen diren ikasleak eta  guztien artean irakurle bikainak ditugula esan dezakegu.
Hona hemen aurtengo batzuk.
ZORIONAK guztiei eta horrela jarraitzea espero dugu.

2015-2016 ikasturteko DIPLOMAK on PhotoPeach

GURE MEDIATEKA

mediateka - Movie Maker

MEDIATEKAKO LAGUNTZAILEAK

Hauek izan dira ikasturtean zehar Talaia Bordari Mediatekako laguntzaileak. Datorren kurtsoan intitutura joango dira eta beste laguntzaile berri batzuk izatea espero dugu. Lana, BIKAIN bete duzue.

MILA ESKER GUZTIEI ETA ZORTE ON!! 

 

MEDIATEKAKO GIROA EGUERDIAN

Dakizuenez, eguerdian mediateka irekita dagoela bazkaltzen diren ikasleentzat. Tarte honetan, nahi duten ikasleak etortzen dira era etxeko lanak  aurreratzen dituzte batzuk, eta beste batzuk goxo-goxo irakurtzen ematen dute denbora.
Argazkietan ikusten duzuenez, lan giro polita sortzen da saio hauetan.
SEGI HORRELA, LAN OHITURA MANTENDUZ!

LIBURUTEGIAK GONBIDATZEN ZAITU

Hona hemen Mariasun Landak liburutegiari eskainitako olerkia.  Ikasturte berria ondo hasteko oso egokia ikusten dudanez, gure blogean txoko bat eskaini nahi diogu.  Irudien gainean klik eginez, tamaina handian irakurtzeko aukera izango duzue.

  

MEDIATEKAKO LANKIDE BERRIA

Jon Lasaga

"Gogoko ditut astelehenak" lelopean, Atzegik Gipuzkoa osoan kanpaina zabaldu du. Kanpainaren berri izan bezain laister,  proiektu honetan parte hartzea pentsatu genuen eta ikasturtearen bukaeran, harremanetan jarri ginen bertako arduradunekin gure eskolako mediatekarako laguntzaile bat lortzeko asmoz.
Esan behar dugu prozesua ez dela batere zaila izan eta aste honetan, azaroaren 7an, gure nahia bete egin da.
Laguntzaile berria aurkeztu nahi dizuegu blogaren bidez; JON LASAGA dugu gure artean. Hogeitahiru urteko mutil irundarra da bera, bertsolaritza du gogoko eta lan egiteko ilusioz beteta etorri zaigu.
Gure artean gustura egotea espero dugu.
Jaso ezazu guztion ongi etorria, Jon.