DONOSTIAKO ZINEMALDIA 2017

Datorren irailaren 27an, asteazkena, Donostiako zinemaldira joango gara.

2. mailatik hasi eta 6. maila arteko ikasleek pantaila erraldoian, Donostiako belodromoan, euskaraz zinemaz gozatzeko aukera ezin hobea dugu hau.

Zineuskadik sustatzen duen Zinema Euskaraz programari esker, PRINTZE TXIKIA filma proiektatuko da. 

Filmak neskatxa baten eta bere bizilagunaren arteko istorioa dakar. Neskatxa helduen munduan bizi dadin prestatzen du amak, eta bihotz oneko adineko pilotu bitxia du auzokoa. Pilotuak bere lagun berriari aparteko mundu bat erakutsiko dio; Antoine de Sain-Exupéryren "Printze Txikia"-ri esker berak aspaldi ezagutu zuen unibertsoa.

Emozioz betetako bidaia magikoa, haurtzarora itzuliko duena, egingo du neskatxak; giza harremanak garrantzitsuak direla ulertzera eramango duena. Bihotzak ongiaren bidea erakusten duela konprenitukodu, izan ere, begien bidez ikusezina bilakatzen da funtzeskoa dena.

"TITIRIKONTU KONTARI" ANTZERKIA HAURRENTZAT

Datorren larunbatean, irailak 23, arratsaldeko 17:00etan,  Irungo Amaia Kultur Zentroan haurrentzat antzerki ikuskizuna izango da Gorakada Antzerki Taldearen eskutik.

"TITIRIKONTU KONTARI"  emanaldi honetan, honako ipuinak ikusteko aukera izango ditugu: 

«Zapataria eta iratxoak», 
«Barbantxo»
«Urretxindorra».

 

HEMENTXE GAUDE, EZ GAUDE AHAZTUTA!

Aurtengo ikasturtean mediatekan aldaketak daude. Mediatekako ardura eskuz aldatu da. Carmenek Garbiñeri pasa dio lekukoa. Asko zor diogu Carmeni proiektu hau bideratzen eta osasuntsu mantentzeko egin duen lan ederragatik. Erronka polita dugu esku artean, eta ilusioz ekin diogu Talaia eskolako Mediateka bizia eta irekia izaten jarraitu dadin. Denoi esker eta denon artean eraikitzen jarraituko dugula ziur gaude.

MILA-MILA ESKER CARMEN!

Iraileko lehenengo egunetik eta urria bitarte, mediateka berriro ere martxan jartzeko (eta arduradun berria martxan jartzeko) behar diren prestaketa lanak egiten gabiltza. 

Hori dela eta, liburutegiko ateak urriaren 2an zabalduko dira.

2017-18 IKASTURTEA HASI DA

Gaur irailak 12, 2017-2018 ikasturteari hasiera eman diogu.  
Oporraldi luze baten ondoren eta herriko jaiak pasata, goizean sentimendu eta emozio asko sumatu ditugu: urduritasuna, poza, tristura, nagia... 
Eskola pil-pilean dago!
Bidai berri baten atarian gaude eta, urtero bezala, hementxe izango gaituzu lagun datorren urteko ekaina bitarte. 

 ONGI ETORRI ETA BIDAI ON!!!

Hoy, 12 de septiembre, hemos dado comienzo al nuevo curso 2017-2018. 
Después de un largo periodo de vacaciones y finalizadas las fiestas, sentimientos y emociones diversas hemos podido captar esta mañana: nervios, alegría, tristeza, pereza... La escuela está viva!
Estamos en el comienzo de un nuevo viaje y, como de costumbre, aquí nos encontrarás hasta fin de curso. 

BIENVENID@  Y BUEN VIAJE!!!