KOMIKI BAT: WALUK

Gutxi dira euskaraz argitaratutako komikiak eta gutxiago haurrrentzat eginikoak; horregatik, pozik jaso dugu Astiberri komiki-etxe bilbotarrak kaleratutako Waluk komikia.

Waluk, hartz zuri txiki bat, amak bakarrik utzi ondoren, hartz zahar erretxin batekin elkartuko da bizitzan aurrera egin ahal izateko. Eskimok, hartz zaharrak, bizitzaren gorabeherei aurre egiten irakatsiko dio.

Sentimenduz betetako eta adin guztietarako komikia ondu zuten 2011n Emilio Ruiz gidoilariak eta Ana Miralles marazkigileak eta orain euskaraz dugu.

 

Waluk-i buruz, Argia astekarian, Hartz-kumearen abenturak irakurri dezakezue gehiago jakiteko.

Bukatzeko, euskal komikigintzari buruz aipamen bat:

Olatua hartu du komikigintzak zioen, otsailaren 25ean, Berrian, Miren Garatek idatzitako artikuluaren titularrak. Bertan, Mikel Begoña komikilariak, aipatzen du: "... Hor bazegoen mito bat: komikia umeentzako gauza bat zela, baina gainditu zen hori, eta orain umeentzat baino komiki gehiago ateratzen dira helduentzat" .  Ea txanpa on bat hartzen duen euskal komikigintzak eta umeentzako argitalpenak ugaritzen diren!

 
 

ASKI DA!!!

MAFALDA DONOSTIAN/MAFALDA EN DONOSTI

Mafaldak Donostian ospatuko du 50.urtebetetzea.

klik egin

"Mafalda 50 urte" erakusketa Okendo kulturgunean ikusgai egongo da, urriaren 18ra arte.

Informazio gehiago

2014ko DANBORRADA. DONOSTIAN BARRENA TINTINEKIN

Iturria: Diario Vasco de 27.10.2009

Atzo eta gaur donostiarrentzat egun handiak dira. San Sebastian Martxarekin hasten da festa Donostian eta Azpeitian, eta 24 orduz danbor hotsak izango dira nagusi.
Oscar Alonso argazkilari donostiarraren lana gogorarazi nahi dizuet berriro ere. Tintin zale amorratua, orain dela urte batzuk, Donostiako toki enblematikoetara ekarri zuen Tintin.



Hona hemen aipatutako irudiak:

UMORE PIXKAT MAITENAREKIN

Eta ondo hasteko, umore pixka batekin egingo diogu harrera 2014. urte berri honi.
Maitena Burundarena argentinarra da eta erro euskaldunak ditu. Ez da umorista edo komikilaria hutsa. Zintzotasun eta goxotasun handiz egiten die aurre emakumeen arazoei  bere biñetetan umoreak eta marrazkiak bat eginez. 

Ezagutzen ez duzuenentzat, hona hemen "SUPERADAS 1" liburutik ateratako zenbait biñeta.  

 

"KATU HEGODUNA" KOMIKI BERRIA

Gasteizko Sauré argitaletxeak plazaratu berri du bi irundarrek elkarlanean egindako komikia.  
KATU HEGODUNA izenburuko istorio misteriotsuaren gidoia Yurre Ugartek idatzia da , eta Joseba Larratxeren marrazkiz hornitua.  Sarean eskuragarri dago, bai gaztelaniaz bai euskaraz, koomic.com gunean.

Halaxe aurkeztu dute Yurre Ugarte idazleak eta Joseba Larratxe komikigileak elkarlanean osatutako proiektua, Katu hegoduna eta La gata alada.

 

Aurkezpenaren bideoa ikusteko, hemen klikatu

Iturria: Irunero aldizkaria

ZORIONAK SUPERMAN!!

 Superman, komikietako lehenengo superheroia, 1938. urtean Joe Schuster eta Jerry Siegel komikigileek asmatu zuten, orain dela 75 urte, hain zuzen ere. Clevelandeko (Estatu Batuako) institutu batean ezagutu ziren bi mutil juduk, sortu zuten pertsonai hau Jerry Siegel gidoilaria eta Joe Schuster marrazkilaria.
 Superman-en lehenengo istorioa 1938ko apirilaren 18an  izan zen  «Action Comics-en» argitaratutako lehenengo zenbakian eta 13 orrialdeko abentura.  Geroztik, superheroien familia izugarri handitu da.

SUPERMAN. "El hombre de acero".  Lehenengo komiki banda.