"BURBUNAK ETA ETSAYAK" DOKUMENTALA ETA SOLASALDIA

Blagan Euskara Elkarteak antolatuta, datorren ostegunean, maiatzak 10, "Burmunak eta etsayak" dokumentala ikusteko aukera izango dugu Hondarribiko Kultur Etxeko Areto Nagusian, 19:00etan.
Dobera Euskara Elkarteak eta Aranzadik egindako lana da dokumental hau, eta Euskal Herrian belaunaldiz belaunaldi transmititu den jakinduria jasotzen du (mitoak, sendabelarrak, ohiturak, natura...), herritarrei elkarrizketak eginez. Proiekzioaren ondoren, Iñaki Sanz-Azkue eta Eñaut Agirre egileekin, solasaldia izango da. Elkarrizketa, Hondarribiko animalien eta landareen izenen inguruan bideratuko da.

Dokumentalaren trailerra:

HARRI BATEN ISTORIOA

Inoiz pentsatu al duzue harriek ere bere "bizitza" dutela?

Bada, ikusi Seth Boyden-en animazio film labur honetan harkaitz batek egiten duen bidaia munduaren sorreratik gaur egun arte.

  

An Object at Rest from Seth Boyden on Vimeo.

AGENDA 21. HONDARRIBIKO ESKOLEN ARTEKO UDALBATZA

HONDARRIBIKO ESKOLEN ETA UDALAREN NAHIZ TXINGUDIKO ZERBITZUEN ARTEKO FOROA OSPATU ZEN OTSAILAREN 9AN, UDALBATZA ARETOAN
Aurreko ikasturtearen amaieran Hondarribiko ikastetxeetako ikasleen ordezkariek hondakinen gaiari buruzko egindako proposamenei erantzun formal bat eman asmoz, otsailaren 9an, goizez, Eskolako Agenda 21en FORUA ospatu zen Hondarribiko udalbatza aretoan. Bertan parte hartu zuten Ama Guadalupekoa, Talaia Eskola eta Talaia Institutuko ingurumen ikasleek, Txingudiko Zerbitzuen mankomunitateko ordezkariek eta baita Hondarribiko Alkateak zein ingurumen zinegotziak. Bertan Txingudiko Zerbitzuen gerentea den Leire Zubiturrek eta Hondarribiko alkateak, Txomin Sagarzazuk, eskaerak banan-banan erantzun zituzten.
Jakin nahi baduzu zehatz-mehatz zer erantzun zuten, jarrai ezazu irakurtzen.

 A21eko arduradunak

Gaur, "SUPERILARGIA"

Ilargia Lurretik oso hurbil egongo da gaur, astelehena, eta, hortaz, azken 70 urteetan azaldutako ilargirik handiena ikusteko aukera izango dugu. Hala, 2034ko azaroaren 25era arte ez da berriz ikuskizun natural hau errepikatuko, ez behintzat aurtengo moduan, XXI. mendeko handiena izango da eta.

eitb.eus

"GipuzkoAround" PROIEKTUA

GipuzkoAround proiektuak Gipuzkoako 89 udalerriak lehen aldiz bideo batean elkartzeko helburua izan du. 6 minutuko bideoan gure lurralde historikoaren herri eta hirien txoko, kale, monumentu, paisaia eta pertsona esanguratsuenak biltzen ditu.

 GipuzkoAround es un proyecto que tiene como objetivo unir por primera vez en un vídeo los 89 munipicios de Gipuzkoa. Un vídeo que en 6 minutos recoge los rincones, calles, monumentos, paisajes y persona más significativas de los pueblos y ciudades de nuestro territorio histórico.

Proiektua ezagutu

 

ITSASOKO ANIMALIAK

Aurten ere, 4 urteko geletan "ITSA ANIMALIAK eta NEURRIAK" gaia landu dute.
Aquariumetik pasa eta gero, arrai batzuk aukeratu eta errepresentazioak egin dituzte Biteriko korridoreetan neurri errealak kontutan hartuta.
Argazki hauetan dituzue egindako lan politak.

ITSASOKO ANIMALIAK by Slidely Slideshow

AITONAREN OROIGARRIAK

Gaur, 3. Dko Loreak sorpresa bat ekarri digu eskolara. Neska ausarta dugu Lorea!  Kontatu digunez, aitona Beñardo,  arrantzalea zen eta bidaietako batean, Panaman arrantzan zegoela, marrazo bat harrapatuta geratu zen sarean. Jaso zutenean, hilda zegoela konturatu ziren eta oroigarri bezala, ahoa gorde zuen beretzako eta semeak, hegala.
Argazkietan, Loreak eta Laiak, marrazoaren ahoa eta ezpalarta (ezpata-arrain) baten muturra erakusten dizkigute. Mila esker!

JAIZKIBEL, KLIK BATEAN

Lander Zurutuza lezoarrak Jaizkibel mendian ateratako argazkiekin egitasmoa abiatu du. Tarteka mendiarekin lotura duten argazkiak ari da sarean jartzen, horretarako propio sortu duen webgunean.
Irudiak ikusgarriak dira, Jaizkibelek duen balioa eta aberastasuna adierazten dute. Oraingoz, 14 daude. Askoz gehiago egongo dira.

iturria: Hitza

UDABERRIA IRITSI DA!/ LLEGA LA PRIMAVERA

Astronomoek diotenez gaur, martxoak 20, goizeko 6:14tan hasi da udaberria. Euskalmetek "berotsua eta prezipitazio normalekoa edo pixka bat euritsuagoa izan daitekeela" aurreratu du. Negua pasa ondoren, udaberria itxaropenarekin eta garai berriekin lotzen dugu. Batzuentzat alergia, azkura eta begi gorrituen sasoia ere bada, baina horrekin batera inguruko landareak loratzen ikustea, kukuaren lehen agurra entzutea eta arratsalde luzeak datoz. Gaurtik aurrera, eguzkiak hamabi ordu baino gehiagotan berotuko du lurra eta, eguerdian, gero eta gorago azalduko da, ekainaren 21ean punturik gorenean egon arte. Goza dezagun bada!

zientzia.eus

 Según los astrónomos hoy 20 de marzo a las 6:14 de la mañana ha comenzado la primavera. La agencia Euskalmet adelanta que será algo calurosa pero también lluviosa. A pesar de las alergias, los picores, los ojos enrojecidos...merecerá la pena ver florecer las plantas y alargar los días.

UDAZKENEAN GAUDE/ ESTAMOS EN OTOÑO

Askori udako oporrak bukatzearekin etortzen dela iruditu arren, gaur arte, irailak 23, ez da iritsi udazkena. Oraindik gehiegi nabarmendu ez arren, zuhaitzak hasi dira beren hostoak galtzen... eta konturatu gabe, neguan sartuko gara. Beraz, denbora aprobetxatu behar dugu; bestela, arretaz entzun kanta hau.

IZAR IHESKORREN BILA/EN BUSCA DE ESTRELLAS FUGACES

Kristau Mülhsuser suitzarra, 2012ko abuztua eta urriaren  artean hiru aldiz igo zen Matterhorn-era, (Suitzako mendirik ospetsuenera) 4,15 minutuko bideo eder hau grabatzeko. 2.700 m altueran eta  -12º C tenperaturarekin eman behar izan zuen hainbat gau lo egiten .
Altuera horretan ez dago argi kutsadurarik eta zeruak zoragarriak dira.
Musika, Roberto Cacciapagliarena da.

liburu bat: TATSU NAGATAREN PIZTIA HANDIAK

 Tatsu Nagata Thierry Dedieuk asmaturiko pertsonaia da, eta ikertzaileak, liburuko ataletan barrena
animalia batzuen inguruko informazioa helaraziko digu euskaraz plazaratu duen bere lehen obra honetan.

Balea, krokodiloa, gorila, hartza, otsoa, lehoia eta marrazoari buruzko informazioa jasotzen du irakurleak oso modu xelebrean, eta horixe da, hain zuzen, liburu honen balio literarioa. Berez informazio liburutzat edo formaziorako materialtzat har daiteke Tatsu Nagataren liburu hau. 
 Informazio gehiago

Hona hemen liburuaren irudi batzuk:

TATSU NAGATA on PhotoPeach

"TXINGUDI BIZIPEN MARGOTUAK"

Benito Lertxundik "TXINGUDI BIZIPEN MARGOTUAK"abestia aurkezten digu. Txingudiko badiari eskaini dio eta han bertan ingurumen sailak aurkeztu du.
Ikusi, entzun eta gozatu:

Hemen duzue abestiaren letra:

Joan-etorrian dirauten urekin
besarkatuz joan ziren haiek
kresala haizearen lurrinak dakarren
sentimenduan bizi dire.

Paduren bihotzean,
oroitzaren oihalean,
bizipen margotuak
egunsentietan, lanbroaren azpian,
itsasorantz lekutuak

ILARGIA

Marcos Geek, australiarra,  ilargiaren irudi bat grabatu du Victoria mendiko begiratokiaren gainetik  azalduz, Wellingtonen (Zeelanda Berrian),  .
Jendea gau horretan,  ilargiaren bistarik onena izateko, elkartu zen goian . Bideoa harrapatzeko beharrezkoa izan zen, hiriaren beste aldean,  2,1 kilometrotara kokatzea. Ez da batere erraza izan, saiakera asko egin behar izan baitu. Irudian klikatu bideoa ikusteko, MEREZI DU ETA!

EKOSISTEMAK

Seigarren mailako ikasleak EKOSISTEMAK lantzen aritu dira. Hona hemen B gelako ikasleek egin dituzten lanak:

EKOSISTEMAK

Publish at Calameo or read more publications.

IHITZA ALDIZKARIA WEBEAN

klikatu hemen

IHITZA eskola–elkarteari zuzenduta Eusko Jaurlaritzako Ingurumen, Lurralde Plangintza, Nekazaritza eta Arrantza Sailak eta Hezkuntza, Unibertsitate eta Ikerketa Sailak egindako ingurumen hezkuntzako aldizkaria da. IHITZAk ingurumen–ikuspegia ikastetxeetako curriculumetan eta bizitzan txertatzeko baliabideak eta ideiak eskaini nahi dizkie unibertsitatez kanpoko irakasleei. Orain, web orrian, bertsio inprimatuaren edukiak eta gauza gehiago ere aurkituko ditugu: bibliografia gehiago, "link" gehiago, baliabide gehiago, esperientzia gehiago, eta abar.
http://www.ingurumena.ejgv.euskadi.net/r49-ihitza/eu/

Bidasoa Txingudi eskualdea ezagutzeko modu berria 2.0 bisitari eta herritarrentzat

Bidasoa Txingudi Mugaz gaindiko Partzuergoak www.bidasoa.mobi Web Mobile aurkeztu zuen abuztuan. Web aplikazio bat da, azken belaunaldiko telefono edo smartphone-etarako, eta Bidasoa Txingudi Eskualdeko informazioa gune bakar batean biltzen du. Horrela, herritarrek eta bisitariek Eskualdeko agenda, aisia eta leku interesgarriei buruzko informazio erabilgarria eskuratu ahal izango dute.

 iturria: irun.org

Hemendik aurrera gure blogearen ezkerraldean bere tokia izango du.

MEREZI DU

Bideo hau Pazifikoan dagoen irla batean grabatua da, beste kostaldeetatik 3200 kilometrotara. Irla honetan hegaztiak izan ezik, ez da inor bizi. Arretaz ikusi

Bideoa ikusteko klik egin

Gure inguruan gertatzen ari denaren ardura dugu denok. Ez da hain zaila.

POLINIZATZE PROZESUA

Zure eguneroko martxa gelditu eta har itzazu minutu batzuk bideo hau ikusteko. Benetan merezi du eta!

Haz un parón en la marcha diaria y dedica unos minutos a ver este video. Merece la pena!