liburu on line: IKUSEZINA

"IKUSEZINA", Marijn Boukaert-ek, 26 hizkuntz ezberdinetan,  idatzi duen album on line bat. 
 Denon artean konpartitzeko bidali digu.
MILA ESKER!! 
Hemen klik eginez hizkuntza aukera dezakezue.
Gaia: Jaiotza, haurdunaldia, eta ikusezina den zerbait...

otsailak, 4: SANTA AGEDA BEZPERA

Otsailaren 5ean ospatzen du Eliza Katolikoak Santa Ageda eguna. Euskal Herriko leku gehienetan, herri-tradizioz, bezperan hasten da jaiaren ospakizuna, hau da, otsailaren 4ko iluntze aldera. Betiko kopla zaharrak edo sortu berriak abestera aterako da jendea iluntzean. Talaia eskolako  ikasleak ere, goizean zehar kantatzen  ibiliko dira herrian barrena. 

 

"Ezaguna da Santa Ageda

gure ohitura zaharretan

ama-natura esnatzen dugu

makil bana eskuetan. 

Aurten ere bai eskaera bat 

luzatzen dugu benetan: 

Talaiak osasun ona izan 

dezan mendeen-mendetan". 


Historia eta tradizioa. Informazioa

ESKOLARAKO BIDEAN

Askotan daukaguna baloratzen ahaztu egiten zaigu. Ados bazaude, ondoko irudiak arretaz begiratu...

Eskolarako bidean from talaia

GUK, ASKOZ ERRAZAGO DUGU! 

ELAREN MUNDUAK. Ikusi, entzun eta irakurtzeko ipuinak

www.elarenmunduak.com

Elaren munduak haurrentzako espazio interaktiboa da, modu dibertigarrian irakurketa sustatu eta euskara trebatzeko aukera ematen duena eskolatik kanpo.
Umeek ipuin interaktiboak ikusteko eta PDF formatoan deskargatzeko ahal izango dituzte. Gainera beraiek idatzitako ipuinak partekatu eta iritzia ematea ere izango dute.
SARTU ELAREN MUNDUETAN ETA ONDO PASA!!!

www.elarenmunduak.com

AURREMATRIKULA EGITEKO EPEA/ PREMATRÍCULA

Guraso agurgarriak 
Ziur gaude zuentzat, zuen seme-alaben hezkuntza ardura handia dela. Horregatik, eskola baten hautaketak duen garrantziaz jabetuta, gure eskolaren berri eman nahi dizuegu. Horretarako, honekin batera doan informazioa bidaltzen dizuegu.
Eginiko eskaintza gustukoa baduzu, ondoan  eskatzen zaizuen dokumentazioarekin batera, zuzen zaitezte Talaia Eskolako idazkaritzara. (Baserritar etorbidea, 51- Bordari eraikina).

 

EKARRI BEHARREKO DOKUMENTAZIOA:

• Aita eta ama edo lege-tutorearen N.A.N.aren fotokopiak (atzerritarren kasuan A.I.Z.).
• Familia helbidearen udalak luzatutako erroldagiria (familia osoarena).
• Familia liburu osoaren fotokopia.
• Familia ugariaren kartilaren fotokopia,  badagokio.
• Ikaslearen elbarritasun agiria, badagokio.
• Ikaslearen ama, aita, tutore legalaren edota anai-arreben elbarritasun agiria, badagokio.
• Familia unitatearen errenta agiria, Gipuzkoatik kanpo errenta aitorpena egiten badu.
• Kontu korrontearen 20 digituak.

Irudian klikatu

MATRIKULA EPEA: 

•  Otsailaren 3tik 14ra.

ORDUTEGIA:  

• Goizean: 9:00tatik 12:00ak arte
• Arratsaldean: 14:30etik 16:00ak arte.

 Informazioa gazteleraz/Información en castellano

BIKOTEKA IRAKURTZEN/LEEMOS EN PAREJA

Azken urteotan bezela, seigarren mailako ikasleek "BIKOTEKA IRAKURTZEN" proiektuari ekingo diote. Lankidetzako ikaskuntza metodo honek bikoteak osatzen ditu; rolen banaketatik abiatzen da (tutorea eta tutoretzapekoa), helburu komuna duelarik: irakurmena hobetzea. Hau guztia gidoi zehatz bati jarraituz egiten da testu errealak erabiliz eta benetako ulermen egoerak sortzen saiatuz. Bi helburu nagusi ditu: - Irakurketa konpetentzia hobetzea, batez ere, ulermena. - Ikasleek elkarri ematen dioten laguntza bultzatzea (ikasleen arteko interakzioak). Ekintza hau, astean behin, Hizkuntza eta Gaztelera arloetan burutuko da.

6. ELKAR ILUSTRAZIO ETA IPUIN LEHIAKETA

Informazio gehiago

Elkar Ilustrazio eta Ipuin Lehiaketak haurren eta gazteen artean irakurzaletasuna bultzatzea du helburu. Horretarako bi modalitate antolatu dira, haur eta gazteen adinaren arabera.

- Ipuina ilustratu.

- Ilustrazioa ipuin bilakatu.

 ANIMATU ZAITEZTE LAGUNAK!!!

Oinarriak

Bases

MAITE FRANKO IPUIN KONTALARIA, BORDARIN

 

 
Atzo eta gaur, hilak 22 eta 23, Maite Franko ipuin kontalaria Bordariko 3. mailako ikasleekin egon da. Arreta handiz entzun dituzte  kontatu dituen ipuinak eta ikaragarri ondo pasa dute. Hiru ipuin kontatu dizkie ikasleei.
Fantasia, misterio, beldurra,  umorea... denetatik izan dugu eta tarteka... asmakizunak.
OSO ONDO pasa dugu zurekin.

MILA ESKER MAITE!!

MAITE FRANKO IPUIN KONTALARIA by Slidely Slideshow

2014ko DANBORRADA. DONOSTIAN BARRENA TINTINEKIN

Iturria: Diario Vasco de 27.10.2009

Atzo eta gaur donostiarrentzat egun handiak dira. San Sebastian Martxarekin hasten da festa Donostian eta Azpeitian, eta 24 orduz danbor hotsak izango dira nagusi.
Oscar Alonso argazkilari donostiarraren lana gogorarazi nahi dizuet berriro ere. Tintin zale amorratua, orain dela urte batzuk, Donostiako toki enblematikoetara ekarri zuen Tintin.



Hona hemen aipatutako irudiak:

Txotxongilo antzerkia: "ERREKA MARI"

 
Udalherria: Irun
Lekua: Amaia Kultur Zentroa
Ordua: 17:00
Hasiera: 2014/01/18
Amaiera: 2014/01/18
Sarrerak: 4,10 €

Txotxongillo Taldea Enkarni Genuak eta Manolo Gomezek osatzen dute. 1971. urteaz geroztik Euskal Herriko bazter guztiak bisitatu dituzte beren panpinekin. Aurreneko panpinak Bixente otsoa, Jaxinto eta Joxepa eta Leire eta Eneko izan ziren. Urte batzuk igarota, bikotearen haur kutunenak jaio ziren: Erreka Mari eta Martin.
Erreka Mari obra euskal pertsonaia mitologiko batean oinarritzen da, azken lamia. Umorez, samurtasunez, kontatzen dizkigu Erreka Marik eta Martinek herriko biztanleen aldetik jasan behar dituzten arazo eta eragozpenak, eta hori guztia besteak ez bezalakoak izateagatik. Gure errepertorioko istoriorik ezagunena eta gehien antzeztu duguna izanik ere, bizi-bizirik dirau oraino, haurrek oso ondo ulertzen duten hizkuntza baitauka mintzagai: maitasuna, gure ingurumenaren zainketa, eta besteekiko begirunea.

• 3 urte gorako haurrentzat
• Euskaraz

 iturria: txikiweb (Gipuzkoako haur  agenda)

UMORE PIXKAT MAITENAREKIN

Eta ondo hasteko, umore pixka batekin egingo diogu harrera 2014. urte berri honi.
Maitena Burundarena argentinarra da eta erro euskaldunak ditu. Ez da umorista edo komikilaria hutsa. Zintzotasun eta goxotasun handiz egiten die aurre emakumeen arazoei  bere biñetetan umoreak eta marrazkiak bat eginez. 

Ezagutzen ez duzuenentzat, hona hemen "SUPERADAS 1" liburutik ateratako zenbait biñeta.  

 

TXOTXONGILOAK

Txotxongiloekin lan egiteko teknika ezberdin asko dago. Laura Kibelek, italiarra, oinak, belaunak, eskuak...gorputzeko atal guztiak txotxongilo bihurtzen ditu umorea, fantasia, kolorea eta erritmo biziko istorioak sortuz. Hona hemen adibide bat:

URTE BERRI ON!!

GABON KANTAK

 

Egin klik argazkiaren gainean eta abesti bakoitzean partitura, letra eta mp3a ikusiko duzue.

ZINEMA EUSKARAZ

Eta Gabonetan, etxean egoteko denbora gehiago dugunez, zenbait pelikula euskaraz  ikusteko aukera dugu helbide honetan.
Irudiaren gainean klikatu.

HAUR TXINATAR BATEN AMETSAK, ARGAZKIETAN

Wengenn Liao haurra lo dagoen bitartean, Queenie Liao , bere amak, haurrak dituen ametsak imajinatzen ditu konposaketa ezberdinak eginez. Argazkirik hoberenak "EL BEBE DURMIENTE" liburuan jaso dira. Hona hemen hauetako batzuk.

HAUR TXINATAR BATEN AMETSAK on PhotoPeach

2013ko GABONETAKO IRAKURKETA GIDA

Eta, eskutitza egin behar duzuela aprobetxatuz, ez ahaztu libururen bat ere eskatzea. Hemen dituzue, ideia bat egiteko, zuentzako eta gurasoentzako prestatu dugun gida txiki bat. Baietz zerbait interesgarria aurkitzen duzuen!

Hona hemen beste gida batzuk:

ACEX Bizkaia
NEGUKO GIDA 2013 
EUSKARA GIDA

OLENTZERORI ESKUTITZA

 

Urtero bezala, blog honetan, Olentzerori edo Erregeei eskutitza idazteko aukera eman nahi diegu gure ikasleei. Irudiaren gainean klikatuz, esandako eskutitzak aurkituko dituzue beste gauza batzuen artean: ipuinak, jokoak, eskulanak, abestiak...
Zuen gustukoa izatea espero dugu!

BERTSOLARI TXAPELKETA FINALA 2013

AMETS ARZALLUSEK jantzi du txapela. Hendaiara joan da txapel preziatua. Buruz burukoan indarrak Lujanbiorekin neurtu ondoren, Arzallusek irabazi du lehia, 1737,5 puntu eskuratuta. Aurreko txapeldunak, berriz 1686,5 puntu lortu ditu.

Hona hemen Amets Arzallusen agurra, Barakaldoko BECen izandako 2013ko Bertsolari Txapelketa Nagusiaren finalean.

Iturria: eitb.com

Eta bertsolaritzaz gehiago jakiteko hona hemen Xabier Altunak, 2011. urtean egindako dokumentala:
"BERTSOLARI"

GABONETAKO HONDARRIBIKO LIBURU AZOKA

Igandera arte zabalik dago Hondarribiko Zumardian XIX. Euskal Liburu eta Disko Azoka, urtero Gabonen aurreko egunetan finkoa bilakatu den hitzordua.
San Pedro kaleko lanak direla eta, Zumardian jarri dute aurten.
Bordari eta Satarka lehiaketen sari-ematea egingo da etzi, 30 urtetako lan aukeratuen aurkezpenarekin batera.

 Iturria: Noticias de Gipuzkoa

LIBURU BERRIAK

Hona hemen mediatekan erositako azken liburuak. Zuen zain daude!

liburu bat: TATSU NAGATAREN PIZTIA HANDIAK

 Tatsu Nagata Thierry Dedieuk asmaturiko pertsonaia da, eta ikertzaileak, liburuko ataletan barrena
animalia batzuen inguruko informazioa helaraziko digu euskaraz plazaratu duen bere lehen obra honetan.

Balea, krokodiloa, gorila, hartza, otsoa, lehoia eta marrazoari buruzko informazioa jasotzen du irakurleak oso modu xelebrean, eta horixe da, hain zuzen, liburu honen balio literarioa. Berez informazio liburutzat edo formaziorako materialtzat har daiteke Tatsu Nagataren liburu hau. 
 Informazio gehiago

Hona hemen liburuaren irudi batzuk:

TATSU NAGATA on PhotoPeach

2013ko EUSKARAREN EGUNA TALAIAN

 Atzo, abenduak 3, EUSKARAREN EGUNA ospatu genuen eskolan. Goizean zehar ekintza ezberdinak antolatu ziren. Goizeko bederatzietan 5. mailako ikasleek irratsaio bereziari ekin zioten gela guztietako kideek parte hartu zutelarik. A eta E gelako ikasleek Salamancara, B eta Ckoek Isil-isilik eta Ituringo Arotza eta Dkoek Urtxintxa oihanean abestiak kantatu zituzten. Bukatzeko, Euskaraz bizi abestia eskola osoko ikasleek abestu zuten. Guzti honetaz gain, astean zehar gela bakoitzak ortzadar bat eta eguzki euskaldun bat sortu du pasilloko paretak apaintzeko lelo batekin:
 “HAINBAT KOLOREZ EUSKARAZ AHO BATEZ”
Gurasoen laguntza ere jaso dugu, euskara batuan ez dauden hitzak, herrikoak bertakoak, hain zuzen ere, bildu ditugu eta euri tanta baten barruan idatzi egin dira. Tanta hauek, sortutako ortzadarretan jarri dira.
Hona hemen ekintza guzti hauen muestra txiki bat. Ea gustatzen zaizuen!

EUSKARAREN EGUNA BORDARIN by Slidely Slideshow

IPUIN KLASIKOAK (III)

Oraingo honetan,  3. A, 3. C eta 3. Dko ikasleek ipuin hauek irakurri dituzte:
Erpurutxo, Jack eta babarrun magikoak eta Otsoa eta zazpi antxumeak. Hona hemen argazki batzuk:

ipuin klasikoak 3 by Slidely Slideshow

EUSKARAREN NAZIOARTEKO EGUNA. MUNDIALA KANPAINA.

2013ko Euskararen Nazioarteko eguna

• Euskara mundiala dela erakutsi nahi du abenduaren 3rako Jaurlaritzak prestatu duen kanpainak
• Hizkuntza erabiltzearen garrantzian egiten du azpimarra, eremu ez formaletan batez ere
• http://www.mundiala.net/ atariak #mundial hashtag-arekin txio bat bidaltzeko gonbita luzatzen du 

Euskararen Nazioarteko Eguna abenduaren 3an ospatzen dela-eta, Eusko Jaurlaritzako Hizkuntza Politikarako sailburuorde Patxi Baztarrikak egun horretarako prestaturiko kanpaina aurkeztu du gaur eguerdian, Donostian egin den ekitaldian. EiTBrekin lankidetzan burutu den kanpaina, euskara mundiala dela erakustera dator aurten, eta etorkizunerako erronka erabileran dagoela azpimarratu nahi du. Sare sozialak erabiltzeko gonbidapena eginez, euskara mundiala dela ez ezik, munduan dagoela ere azalduko du kanpainak. #mundiala da aurtengo leloa.

Gehiago jakiteko

Euskarak 365 egun

IRAKURKETA LANTZEKO ORIENTABIDEAK /ORIENTACIONES EN TORNO A LA LECTURA

Irudian klikatu

 

Dokumentu honek honakoak biltzen ditu: EAEko ikasleek irakurketa eraginkorra egiteko behar dituzten gaitasunak garatzen laguntzeko proposamenak eta ikastetxeei, eguneroko jardunean, irakurketa ikasteko eta irakasteko prozesuak txertatzen laguntzeko orientabideak.

Irudian klikatu

Este documento recoge propuestas encaminadas a potenciar en el alumnado de la Comunidad Autónoma Vasca las competencias necesarias para la práctica eficaz de la lectura y pautas de actuación para que los centros educativos puedan llevar a cabo su actividad cotidiana en relación con el proceso de enseñanza-aprendizaje de la lectura.

azaroak 25. GENERO INDARKERIAREN AURKAKO EGUNA

www. emakunde.euskadi.net

XXI. mendean, munduak Emakumeenganako Indarkeriaren Kontrako Eguna aldarrikatu behar du ORAINDIK ERE. Egia latza datuek erakusten dute.

 

ZUK ERE IRAKURTZEN AL DUZU OHEAN?

Irakurzalea bazara, seguruenik hauetako posturaren bat hartzen duzula. Baina horrela ez bada, ohean irakurtzea zer den oraindik probatu ez baduzu, beheko irudian adibide batzuk ematen dizkizugu.
Etorri mediatekara, gustuko liburu bat hartu eta afaldu ondoren...irudian bezela,  proba ezazu mesedez. Ikusiko duzu zein ondo bukatuko duzun eguna eta ze amets gozoak izango dituzun! Kontatuko diguzu!

48. DURANGOKO AZOKA

Atzo goizean aurkezpen ofiziala San Agustin kulturgunean egin zen, azoka egunetan Szenatokia izango den gunean, Arte Eszenikoen plazan. Aurtengoa 48. edizioa da eta abenduaren 5etik-8ra irekita  izango da.
Egitaraua ikusteko klikatu aurtengo kartelaren gainean.

Informazio gehiago

 

XABIER LIZASO PIANOJOLEA

Orain dela aste bat mediatekan bidu ginen ikaragarri politak izan ziren saio batzuk ikusteko. Ikusteko eta parte hartzeko. Xabierrek gauza asko erakutsi zigun: isilik eta erne egoten, istorioak entzuten, amezten, musikaz gozatzen... Eta onena, ONGI PASATZEN! Glogster honetan saio hauetan egindako hainbat ekintza ikusteko aukera duzue: jokuak, musika, kantak... Ea gustatzen zaizuen!